Ministrja e Shëndetësisë, Ogerta Manastirliu ka reaguar pas vendimit nga EMA që i dha “ok” për përdorimin e vaksinës së AstraZeneca.
Në një shënim në facebook Manastirliu thekson se tashmë është arritur në një konkluzion të qartë shkencor për përdorimin e kësaj vaksine.
“EMA (Autoriteti Rregullator i Barnave i Bashkimit Evropian): “Kemi mbërritur në një konkluzion të qartë shkencor. Astra-Zeneca është një vaksinë e sigurtë dhe efektive.
Përfitimet janë shumë herë më të mëdha se sa risqet. Vaksina nuk shoqërohet me një rritje të rrezikut të përgjithshëm të ngjarjeve tromboembolike ose mpiksjes së gjakut.
Provat në botën reale, sugjerojnë që vaksina ka një efektshmëri edhe më të lartë se sa ajo e treguar gjatë testeve.”, shkruan Manastirliu duke cituar EMA.
