Një ditë pasi qeveria miratoi me VKM pikat e kërkesave të studentëve, Presidenti Ilir Meta ka reaguar sot duke thënë se duhet dialog i sinqertë.
Nga Korça, kreu i shtetit ka thënë se problemi i studentëve zgjidhet jo me dialog provokues, ndërsa është shprehur i gatshëm të mbështesë të gjitha mundësitë e sinqerta për zgjidhjen e këtyre problemeve.
“Besoj se është shpërdoruar mjaft kohë dhe energji tepër e dobishme për t’i dhënë një zgjidhje të besueshme dhe afatgjatë problemeve të arsimit të lartë dhe studentëve në mënyrë të veçantë dhe do të mbështesja cdo reflektim të sinqertë, të thelluar dhe të qëndrueshëm dhe konstruktiv në këtë drejtim. Problemi zgjidhet vetëm në këtë mënyrë, përmes një dialogu të sinqertë, jo provokues, jo ndarës, jo intimidues dhe përmes një bashkëpunimi të besueshëm dhe konstruktiv”, u shpreh Presidenti Ilir Meta.
Kryeministri Edi Rama miratoi kërkesat e studentëve, madje shkoi përtej tyre, duke ofruar një paketë 8+
Gjithashtu, kreu i shtetit komentoi edhe refuzimin e lejes së policisë për diasporën për të protestuar para Kryeministrisë.
“Shqiptarët kanë protestuar edhe në diktaturë, pavarësisht nga kostot e tmerrshme që kanë paguar. Nuk besoj që një gjë e tillë mund të ketë ndodhur. Sa e zëmë se ka ndodhur…Janë të ftuar të gjithë emigrantët që të protestojnë në oborrin brenda Presidencës”, tha ai
a.cupaj
