Reshjet intensive të borës të nisura një ditë më parë kanë zgjeruar hartën sot duke u shtrirë edhe në Jug të vendit. Gjatë orëve të para të mëngjesit të sotëm reshjet nisën edhe në qytetin e Vlorës, ku cilësohet fenomen mjaft i rrallë për klimën atje. Problematike situata paraqitet në Qafën e Llogarasë në qarkun e Vlorës.
Raportohet se rruga atje ëhstë bllokuar për shkak të borës dhe akullit.
Ndëkrohë, probleme janë raportuar edhe në Elbasan ku reshjet kanë vijuar gjatë natës. Bora ka shkaktuar probleme në disa akse rrugore. Më problematike situata paraqitet në në aksin Elbasan-Tuneli i Kërrabës dhe në rrugën Elbasan Librazhd-Qafë Thanë.
Probleme ka pasur edhe në qarqet e Dibrës, Kukësit dhe Shkodrës në veri të vendit ku situata paraqitet më e vështirë. Aksi rrugor Peshkopi-Tiranë qarkullohet me vështirësi për shkak të rpezencës së borës. Ndëkorhë, në Dibër nuk zhvillohet ëmsim për të dytën ditë me radhë. Zona të tëra rural janë të izoluara.
E njëjtë paraqitet situata edhe në Lezhë e Shkodër, ku zonat rurale malore janë të izoluara nga bora. Më e vështirë situata paraqitet në Theth, zonë e bllokuar prej ditësh.
Ndërkohë, pas reshjeve të dëborës qarkun e Korçës e kanë mbërthyer ngricat.
Temperaturat në këtë zonë kanë arritur deri në -10 gradë, duke bërë që të gjitha akset të jenë të kalueshme vetëm me zinxhirë. Fshati turistik i Dardhës vijon të mbetet problematik, po ashtu vështirësi ka edhe në Voskopojë dhe në Qafën e Qarrit, ku ka prezencë akulli në rrugë. Problematike është edhe aksi rrugor Korçë- Kapshticë dhe Korçë- Pogradec. Reshjet gjate natës kanë sjellë akull dhe ngrica ne gjithe qarkun si pasoje e temperaturave nën zero grade.
/a.m.
