Dy vëllezër shqiptarë u qëlluan me plumba nga një i moshuar italian, për arsye ende të panjohura plotësisht.
Mario Boçi ka mbetur i plagosur me armë zjarri, ndërsa vëllai i tij, Altin Boçi nuk ka pësuar dëmtime. Ata janë qëlluar me armë nga Marino Triboti.
“Unë jam qiramarrës i banesës dhe nuk e njohur Marino Tribotin. Më ka ndodhur të jem në zonë dhe nuk e kuptoj pse ai më qëlloi mua”, ka deklaruar Mario Boçi për mediat lokale, një ditë pas ngjarjes, ndërsa ndodhet i shtruar në spital.
Burri italian ka përfunduar në burg dhe ndodhet në pritje të vendimit të gjykatës të hënën e ardhshme.
Policia e Sanremos që po kryen hetimet, ka zbuluar se shqiptarët e kishin ofenduar 73 vjeçarin, raporton Oranews.
“Plak m…do të të bëjmë copa dhe do të të hedhim në koshin e plehrave”, mësohet t’i kenë thënë shqiptarët autorit të ngjarjes.
Pas kësaj, ai ka qëlluar në drejtim të vëllezërve, duhet plagosur njërin prej tyre, i cili do të qëndrojë për 20 ditë në spitalin e Sanremos.
Policia ka zbuluar gjithashtu se në banesën e Tribotit jetonin me qira të afërmve të vëllezërve dhe këta të fundit i kanë deklaruar se nuk do t’i jepnin paratë.
“Largohu, se nuk ke para”, mësohet t’i kenë thënë gjithashtu vëllezërit pasi u takuan në oborrin e shtëpisë (në foto).
Më pas, i moshuar i ka qëlluar ata me 6 plumba pistolete të kalibrit 7.65 mm. Një nga plumbat goditi krahun e majtë 35-vjeçarit Mario Boci. Policia beson se pas konfliktit qëndron mos pagesa e qirasë së banesës./a.k
