Gjykata ka dhënë sot vendimin për çështjen Muhamed Veliu kundër portalit Lapsi. Gazetari i Top Channel ka paditur për shpifje Lapsin, por gjykata ka rrëzuar padinë e tij, shkruan Newsbomb.
Sipas gjyqtarit Ibrahim Hoxha, nuk përmbushen elementët për shkaktim dëmi.
Gazetari Veliu e komenton si një vendim skandaloz këtë të sotmin.
“Një vendim skandaloz në vazhdën e vendimeve skandaloze të dhëna edhe në të shkuarën nga gjyqtari Ibrahim Hoxha. Pala e paditur në asnjë rast nuk provoi atë që kishte shkruar ndaj meje”, tha Veliu.
Veliu ka paditur për shpifje Lapsin, në pronësi të gazetarëve, Andi Bushati dhe Armand Shkullaku. Kjo pas një shkrimi në portal, ku thuhej se pyetjet që gazetari Veliu ka bërë në konferencën e kryeministrit Edi Rama dhe kancelares gjermane Angela Merkel kanë qenë të parapërgatitura nga stafi i kryeministrit.
Newsbomb
