Krahas kantiereve të mëdha të ndërtimeve të objekteve publike, Bashkia e Tiranës është e angazhuar çdo ditë për të bërë mundur riparimin e problemeve më të vogla por që për qytetarët janë një shqetësim i madh.
Është vet kryetari i Bashkisë së Tiranës, Erion Veliaj ai që ka publikuar një album me foto nga ndërhyrjet e ndryshme që kryejnë ndërmarrjet e bashkisë, jo vetëm gjatë ditë por edhe natës, kjo me qëllim mospengimin e qarkullimit të njerëzve dhe makinave.
“Në shërbim të qytetarëve çdo ditë me punë konkrete. Ndriçim i ri tek Parku 1 kilometër (Fusha Aviacionit), rikonstruksion i rrjetit të ujësjellësit tek Pazari i Ri dhe riparim i rrugës ‘Vllazën Huta’. Puna, e vetmja mënyrë për të qëndruar të fokusuar te misioni për Tiranën”, shkroi Veliaj në facebook.
