Kryetari i Bashkisë së Tiranës, Erion Veliaj priti në zyrën e tij deputetin kosovar të partisë së AAK-së, Daut Haradinaj, i cili kandidon për kryetar Bashkie të Prishtinës.
Gjatë takimit mes Haradinajt dhe Veliajt u fol për bashkëpunim mes dy qyteteve. Teksa Veliaj vlerësoi fushatën aktuale për kryetar Bashkie në Kosovë kur tha se mënjanohen sulmet personale dhe fokusi është tek idetë dhe programet.
“Mikprita sot në Bashkinë Tiranë mikun tim Daut Haradinaj për të shkëmbyer ide mbi qytetet tona! Nuk është sekret – të tre kandidatet gjer më tash në Prishtinë janë miq të mirë! Madje është një leksion për viset tona fushata që po bëjnë me ide e jo sulme personale! Bravo!” – postoi kryebashkiaku i Tiranës në Twitter.
Mikprita sot ne @CityOfTirana mikun tim @DautHaradinaj per te shkembyer ide mbi qytetet tona!
Nuk eshte sekret – te tre kandidatet gjer me tash ne Prishtine jane miq te mire! Madje eshte nje leksion per viset tona fushata qe po bejne me ide e jo sulme personale! Bravo! 🇦🇱❤️🇽🇰 pic.twitter.com/75w20kdkfM
— Erion Veliaj #EYC2022 🇪🇺🇦🇱 (@erionveliaj) August 18, 2021
Daut Haradinaj është kandidati i partisë AAK-së për kryetar të komunës së Prishtinës në zgjedhjet lokale që do të mbahen në Kosovë në 17 tetor.
g.kosovari
