Kryeministri Edi Rama është i bindur se Partia Socialiste do të mandatohet me një mandat të katërt radhazi në zgjedhjet e 11 majit pasi kundërshtarët e tij zotohen për shkatërrim të reformës në drejtësi dhe SPAK.
Rama: Ata që duan të kthejnë përmbys reformën janë ende mes nesh dhe përballë nesh me përbetimin publik se në 11 maj nëse marrin votën do ta shkrijnë fare SPAK, natyrisht SPAK-ut nuk kanë çfarë t’i bëjnë fare. E kam këtë bindje sepse ky popull nuk mendon që unë duhet të jap dorëheqjen sepse udhëhoqa reformën e drejtësisë dhe i hapa rrugën goditjeve më të larta, ku ligji kishte fuqi vetëm mbi më të dobëtit.
Rama u ndal sërish tek ish-kryeminsitri Arben Ahmetaj, arratisjen e të cilit e komentoi si një arrati për t’i shpëtuar drejtësisë.
Rama: Nga njëra anë kjo është pasqyrë e një vullneti të hekurt politik për të mos penguar drejtësinë për të bër punën e saj të pavarur e të jesh i bindur që pa këtë vullnet kjo s’do të ndodhte kurrë.
Kryeministri e quajti të padrejtë burgosjen e Erion Veliajt.
Rama: Me ligj dhe me zakon, hajdut është dikush që dënohet me prova jo dikush që dënohet dhe lincohet me gurë pa prova.
Krysocialisti ruan të njëjtin qëndrim kur vjen puna te përgjegjësia dhe përballja me ligjin.
Rama: Përgjegjësia e shkeljes së ligjit nuk është dot kolektive, patjetër moralisht, partia, organizata vetë qeveria mbajnë përgjegjësi se si reagojnë kur dikush nga të tyret shkel ligjin. Reagimi ynë është që drejtesia të bëj punën e vetë.
Kreu i qeverisë tha se pavarasia e drejtësisë nuk mund të kthehet kundër standardeve europiane demokratike.
