“Edhe të djathtët e dinë shumë mirë që ne të majtët u shërbejmë të gjithë njerëzve pa dallim.”
Kështu u shpreh sot nga Dajti ku kishte dëgjesën e Radhës kandidati i ASHE-së për Tiranën, Erion Veliaj.
Ai tha se të majtët ju shërbejnë njerëzve pa dallim partiak, ndaj të gjitha bashkë duhet të votojnë drejtimin e duhur këto zgjedhje.
Veliaj theksoi se nuk duhet të harrojmë se si Basha si Kosova, janë 2 ish-ministra të Berishës, ndaj kjo mjafton për ta kuptuar se ata vetëm shkatërrojnë
“Ashtu siç i kemi shërbyer njerëzve pa dallim, madje të djathtëve u kemi shërbyer më shumë se partitë e tyre, ndaj dhe besoj se këto zgjedhje janë një mundësi për të majtët e të djathtët për t’iu thënë qytetarëve se ne nuk harrojmë që në Tiranë kandidon një ish-ministër i Saliut, i rrethuar nga ministra të tjerë të Saliut. Ne nuk harrojmë që kandidon Lulzim Basha me nënkryetarët e vet që e shkatërruan Tiranën”, theksoi Veliaj.
Gjithashtu kandidati i majtë tha se ai nuk do bëjë asnjë premtim galopant që nuk mbahet, por u zotua se do të punonte me profesionistë dhe jo me të korruptuar. “Unë nuk do bëj atë që bënte Lulëzim Basha që tha do heq 60 taksa, e në fakt hoqi vetëm 1 taksë, atë të leshit. Ajo që premtoj është se në bashkinë e re do të punoj me profesionistë, jo me njerëz që shkojnë e zhvasin biznesin. Për mua, qytetarët janë zot, jo policët e bashkisë”, tha Veliaj.
