Kryetari i Bashkisë së Kryeqytetit Erion Veliaj tha se në kushtet kur situata në shkollat e Tiranës vijon të jetë e mundimshme (me dy turne) është menduar që taksa e gjelbërimit të ndryshojë destinacion dhe të shkojë për arsimin. Veliaj theksoi se aktualisht janë 89 shkolla që punojnë me dy turne dhe në vend të rritjes së një takse është mednuar ndryshimi i destinacionit të taksës së gjelbërimit në një taksë për arsimin.
“Në vend të rritjes së taksave, një taksë që mblidhej për gjelbërimin, ti ndryshojmë destinacionin, që është një kafe në muaj, për infrastukturë arsimore, besoj se do kemi përkrahjen e qytetarëve, po bëhet jetike që 89 shkolla të mos bëjnë mësim me dy turne.
Me buxhetin e bashksië, ne mund të bëjmë 1 maksimumi 2 shkolla në vit, por jo 89 për të hequr turnin e dytë nga shkolla, dmth me këtë ritëm, do themi shkoni jashtë Tirane për t’u arsimuar, ose të ngremë duart e të pranojmë që ne na duhen 20 mandate në krye të Bashkisë që të arrijmë të balancojmë nevojën në arsim me infrastrukturën”, tha Veliaj.
