Kryetari i Bashkisë së Tiranës Erjon Veliaj, i shoqëruar nga bashkëshortja e tij dhe në praninë e fëmijëve të Zyber Hallullit, ka ndezur dritat e pemës së madhe të Krishtlindjeve në qendër të kryeqytetit.
Duke përshëndetur të gjithë fëmijët, Veliaj i uroi atyre festat e fundvitit.
“Ne duam ta kthejmë Tiranën në epiqendrën e festave. Ne do të kemi një konkurs fotografish dhe do të ndajmë çmim edhe për lokalin e zbukurar më bukur në kryeqytet. Dhjetori të jetë edhe një muaj solidariteti për të gjithë ata që kanë nevojë më shumë”, tha kryetari i Bashkisë së Tiranës, Erion Veliaj.
