Kryetari i Bashkisë së Tiranës, Erion Veliaj konfirmoi se nuk do të ketë një kullë në ndërtimin e Teatrit Kombëtar.
Në aktivitetin “Vjena përshëndet Tiranën” ku mori pjesë, Veliaj deklaroi se teatri do të jetë ndër më modernët në Europë, pa kullë sipër.
“Duam të bëjmë histori, jo histeri”, deklaroi ai, ndërsa kërkoi të bëhet durim.
“Kam një lajm të mirë sot. Kemi marrë një vendim.Tirana do ketë një Teatër Kombëtar modern, pa kullë sipër, në vendin ku është sot dhe ndër më të mirët në Europë. Por duhet të kemi durim. Duam të bëjmë histori, jo histeri. Ju premtoj publikisht se në bashkëpunim me qeverinë dhe ministrinë e kulturës do kemi një Teatër Kombëtar të paprecedentë në të gjithë Europën”, deklaroi Veliaj
Artistët ditët e fundit kanë protestuar duke kundërshtuar largimin nga godina e sotme e Teatrit Kombëtar dhe zhvendosjen te ‘Turbina’ si edhe kërkuan sqarime dhe transparencë për projektin e teatrit të ri.
javanews.al/a.ç
