Ministri i Mirëqënies Sociale dhe Rinisë Erion Veliaj, një javë para dorëheqjes nga kjo ministri për tu përqëndruar në fushatën e Tiranës, ka dhënë një lajm të mirë sa i përket marrëveshjes së pensioneve për shqiptarët jashtë vendit. Veliaj deklaroi në një prononcim se është firmosur marrëveshja me Kanadanë dhe pas marrëveshjeve me Turqinë, Belgjikën, Luksemburgun, Maqedoninë.
“Pas një negociate dy vjeçare që filluan qysh javët e para kur unë mora detyrën si ministër sot kemi përfunduar marrëveshjen me Kanadanë për pensionet. Nga kjo marrëveshje do të përfitojnë 20 mijë shqiptarë që jetojnë dhe punojnë në Kanada.”– u shpreh Veliaj.
Veliaj gjithashtu theksoi se me Austrinë jemi në fund të procesit ndërkohë që me Italinë procesi ka filluar dhe me Gjermaninë jemi në process të hapur.
“Në 8 vite të qeverisë së kaluar ishin 0 marrëveshjet me vendet e huaja për pensionet. Deri tani kemi pasur 8 marrëveshje; me Turqinë, Belgjikën, Luksemburgun, Kanadanë, Maqedoninë. Jemi në rangun e fundit të negociatave me Austrinë. Me vjen mirë që kemi hapur negociatat me Italinë dhe jemi në proces të hapur me Gjermaninë.”, tha VEliaj
Në fushën e pensioneve kemi pasur një rekord. Mbetet sfidë marrëveshja me Greqinë. Greqia nuk ka pasur vullnetin mirë për të hapur negociata. Në momentin që vendi fqinj të rimëkëmbet ekonomikisht të jetë në kohën e duhur për të hapur negociatat.”- u shpreh Veliaj.
Më tej ai bëri të ditur se ditën e mërkurë do i dorëzojë dorëheqjen nga posti i ministrit kryeministrit Edi Rama.
Lidhur me akuzat e opozitës për largimet që po ndodhin drejt BE Veliaj u shpreh:
“Sipas INSTAT largimet kanë 67 mijë veta në vit tani jemi 43 mijë vete. Duke aspiruar që të ndërtojmë më shumë të ardhme në Shqipëri, nuk dua të politizoj por më rezulton që nga komunat që po menaxhojnë këta që bërtasin më shumë po largohen më shumë. Para se të drejtojë gishtin duhet të reflektojnë pak. Varfëria nuk lindi me një ditë.”, përfundon Veliaj
