Kandidati i Partisë Socialiste për Tiranën Erion Veliaj zhvilloi sot një dëgjesë me banorët e Njësisë Numër 2. Në fjalën e tij Velian ka shprehur vlerësime për kundërshtarin e tij politik Halim Kosova duke e cilësuar si një njeri të nderuar.
Por sipas Veliajt, nuk është faji i tij që kreu aktual i Bashkisë së Tiranës Lulzim Basha nuk ka punuar asnjë ditë për kryeqytetitn. Në këtë kuadër Veliaj është shprehur se edhe Kosova do të votojë drejtimin e duhur.
“Më vjen mirë që jemi bashkë PS, LSI, sepse unë besoj se punët e mira bëhen bashkë. Të bëjmë një fushatë të shkëlqyer bashkë dhe të sigurohemi që do fitojmë po bashkë. Në këtë fillim të parë është e rëndësishme për të thënë pse zgjodha këtë njësi. Unë kam lindur pak larg nga këtu. Më vjen keq në katër vite kemi humbur kohë nga këto aspirata por jemi në kohën e duhur për ta çuar Tiranën në drejtimin duhur. Kjo është një dëgjesë dhe pas kësaj hapje unë do ulem të mbaj shënim nevojat që ka njësia 2. Është mëkat të vish në njësinë dy dhe të bësh zik zak në kope qensh dhe mendo sa e sigurt është për vajzat. Mbas kësaj dëgjese do dalin përsëri ata të SHQUPit. 29 nga 30 ditë të muajit është në SHQUP dhe 1 ditë në Bashki. Kur janë kaq të zellshëm pse nuk dolën nga tre herë në ditë këto katër vjet. Pse nuk ndenjën më pak në Holandë dhe më shumë në Tiranë. Doktor Halimi është një burrë shumë i mirë, i respektuar. Shkon në një vend dhe thotë që në Tiranë ka shumë probleme. Po është e njëjta parti si e doktrorit, ai po i diskrediton në të gjitha plagët. Siç e ka nisur edhe doktori do votojë për drejtimin e duhur” u shpreh Veliaj.
Redaksia Online
(JavaNews.al)
