Kryetari i Bashkisë së Tiranës, Erion Veliaj, ka sqaruar pas deklaratave të PD dhe zyrtarëve të saj për ceremoninë e zhvilluar sot në Pezë, në 73 vjetorin e Konferencës së Pezës. Duke shkruar në profilin e tij në Twitter, Veliaj ka nënvizuar se simbolet komuniste dhe fotot e diktatorit Enver Hoxha nuk kishin asnjë lidhje me ceremoninë e organizuar nga Bashkia e Tiranës, dhe se zyrtarët e SHQUP-it kanë nevojë të çlirohen nga Enveri që kanë brenda vetes.
“Para se PD të marrë super-xhiro histerike për Pezën, më duhet të sqaroj se në ceremoninë e Bashkisë së Tiranës s’kish asnjë foto të Enverit. Por, siç ndodh rendom, ka tipa të PKSH (të së njëjtës PKSH që ish aleate e PD kur vodhi bashkinë në 2011) që pas eventeve shpalosin çudira. Ndaj, para se histeria t’ju errë sytë për historinë, kolegë të SHQUP-it (një ikonë e Enverit po aq) çlirohuni nga Enveri që keni brenda vetes”, e mbyll Veliaj.
