Tirana do të ketë një zonë tifozësh gjatë finaleve të kampionatit evropian Euro 2016. Këtë e ka bërë të ditur kryetari i bashkisë, Erion Veliaj, i cili ka bërë gjithashtu thirrje për shpërndarje të lajmit në rrjetet sociale, me qëllim që të afrohen sa më shumë tifozë, bashkë me familjet, për të ndjekur Shqipërinë në Francë.
“SHPERNDAJE PO JE TIFOZ KUQEZI:
Edhe Tirana do ketë një Fan Zone si çdo kryeqytet Europian për të parë ndeshjet e brohoritur Kuqezinjtë në Francë! Ju presim të gjithëve me fëmijët e familjet në TIRANA FAN ZONE, sheshi Nënë Tereza 10 Qershor – 10 Korrik! Forca Shqipëria!”, shkruan Veliaj në Facebook.
Kryebashkiaku ka postuar edhe videon që ilustron se si do të kthehet sheshi Nënë Tereza gjatë muajit të evropianit.
Të njëjtën video ka publikuar edhe Rama, i cili kujton ndërkohë se një tjetër Fan Zone do të jetë në sheshin prapa Kryeministrisë.
D.I.
