Në një intervistë për Abc Neës, drejtuesi politik i PS-së për qarkun e Tiranës, Erion Veliaj ka komentuar edhe njëherë listën e kandidatëve për deputetë të PD dhe LSI, për të cilat tha se kanë një ekip të lodhur e të konsumuar, me të njëjtët emra sin ë vitin 2013 dhe 2017.
“Prisnim fytyra të reja, njerëz që mbajnë përgjegjësi dhe që e lënë skenën politike pas 30 viteve. Nuk është faji ynë që kundërshtari është qesharak. Por ekipi që sollë është një ekip i lodhur, i konsumuar. Në listat e tyre ka njerëz që prej vitesh nuk kishin dalë në arenën politike dhe rikthehen pasi i lanë mandatet vetë. Fushata jonë është super pozitive”, u shpreh Veliaj.
Nga ana tjetër, ai ironizoi edhe sloganin e PD. “Ti nuk mund të kesh një slogan “Shqipëria fiton”, kur ndërkohë që për ty është ‘Holanda fiton’ sepse Hollanda ka prioritet në familje”. Sipas Veliajt, Lulzim Basha s’mund të thotë “Shqipëria fiton”, kur në kohë pandemie u bë me 5 vila.
“Nuk mund të thuash “Shqipëria fiton”, kur dhëndri i Saliut ka marrë gjysmën e ish klubit “Partizani”; nuk mund të thuash “Shqipëria fiton”, kur në kaq muaj karantinë dhe në këto vite sfidash nuk ndërtove një shtëpi, nuk i dhe një kuti ushqimesh një nëne që rrinte në shtëpi e mbyllur”, nënvizoi Veliaj.
Kurse lidhur me listën e deputetëve të LSI-së, Veliaj tha se ajo reflekton buletinin javor të të akuzuarve nga SPAK-u.
