Fushata ka filluar tanimë zyrtarisht. Kandidatët kanë nisr rpezantimin e projekteve të tyre për qytetet. Qyteti që ka vëmendjen më të madhe është padyshim Tirana.
Pas prezantimit të projektit të tij për Tiranën, kandidati i majtë, Erion Veliaj ka hedhur në facebook-un e tij një aplikacion që në vetëvete bën çdo qytetar aksioner në ndryshimin e qytetit.
www.unepertiranen.com, është faqja në internet ku secili fotografon dhe raporton shqetësimin që ka në lagjen apo mjedisin ku ndodhet.
Kjo risi e cila bën këdo aksioner të ndryshimeve reale është pozitive për qytetin, pasi teknologjia është kthyer në mjet të shpejtë dhe efikas pune.
“Sot Tirana ka mbi 3 mijë probleme të identifikuara nga urbanistët tanë. Fotografo dhe raporto çdo shqetësim në lagjen tënde sepse me një “klik” mund të përmirësosh jetën tënde dhe të komunitetit ku jeton.#DrejtimiDuhur”, shkruan Veliaj.
Ndërkohë Veliaj është zotuar se për çdo njësi që caktohet një fond, do të merret mendimi i qytetarëve se për çfarë lloj shërbimi do të shkojë ai. Ky lloj “referedumi” i premtuar nga Veliaj është në fakt një vetëvendosje e pastër dhe një demokraci e drejtpërdrejtë.
