Ka ndërruar jetë në Kalkuta Manohar Aich, sportisti i parë indian që u bë Mr. Universi, më 1952.
Ishte 104 vjeç dhe u mor me ushtrime deri në moshën 89-vjeçare.
Njihej me nofkën “Herkul xhepi”, për shkak të shtatgjatësisë, 1.49 metra.
I zoti të nënshtronte çelikun, por edhe zemrën e shumë njerëzve. Të parin me dhëmbë, të dytën me aktet e tij.
Pasi u pranua si instruktor në Royal Air Force më 1942, kur India ishte ende koloni angleze, Aich bindi skuadrën e tij të rebelohej kundër anglezëve. U burgos në Kalkuta, ku e shtynte kohën duke u stërvitur me hekurat e qelisë.
Provoi t’i futej edhe politikës, por pa sukses dhe më pas iu përkushtua muskujve.
D.I.
