Të afërmit e babë e bir, Petrit dhe Jason Rushaj e kanë të pamundur të besojnë që nuk do të jenë më mes tyre. Me dhimbje të madhe ata kanë bërë dedikime tepër prekëse, për babë e bir që humbën jetën ditën e djeshme në Bogë të Shkodrës, pasi rrjedha e ujit mori para makinën me të cilën ata po udhëtonin.
Petrit Rushaj ka qenë një biznesmen i njohur në zonë dhe humbja e tij dhe e djalit të mitur ka hidhëruar shumë persona.
“Na e coptuat zemren Petrit Rushaj Jason Rushaj! Vdekja e pabese nuk pytka per mirsine e kesaj bote! Emri jot nuk vdes kurrë, do ju kujtojme tan jeten. Krishti u paste ne Parrize! Ngushellime familjes, shoqnise, Pultit e tane Shkodres per ket humbje kaq te madhe!” -shkruan një mik i tij
“Pushofsh në paqe Petrit Rushaj, ngushëllime familjarëve dhe të afërmve për këtë tragjedi dhe dhimbje kaq të madhe. Petrit Rushaj ka qenë një frymëzim jo vetëm për krahinën e Pultit por edhe për mbarë Dukagjinin. E kam njohur prej shumë vitesh dhe kam marrë pjesë në shumë prej aktiviteteve të organizuara prej këti burri të Dukagjinit me plotë energji dhe vullnet për të punuar për vendlindjen e tij. Past dritë dhe pushoftë në paqe, Zoti i forcoftë familjarët të afërmit dhe të gjithë shokët dhe dashamirësit e tij.” – shkruan një tjetër.
Dje, Rushaj u nis me djalin e tij, Jason Rusha, 14 vjeç e me vajzën e mitur për të parë nëse dy shtëpizat e drurit që kishte ngritur bashkë me të vëllanë, kishin marrë dëmtime nga moti i keq. Ai mori me vete edhe dy fëmijët e tij, pa e ditur se ky do të ishte udhëtimi i fundit që do të bënin bashkë. Pikërisht në zonën e njohur si “Grykë Lugje”, iu ndërpre rruga. Uji mori makinën përpara dhe 50-vjeçari zbriti vajzën e i tha së shkonte në fshatin më të afërt për të marrë një kavo për ta tërhequr. Më pas doli edhe vetë bashkë me djalin nga mjeti. Por, kur një vrull i fuqishëm uji nga “Përroi i Thatë” i rrëmbeu djalin nga duart, Rushaj u hodh ta shpëtonte. Por, për fat të keq, të dy ndërruar njetë. Vajza u ndihmua nga një banor i zonës. Trupat e babë e bir u gjetën 16 orë më vonë.
/e.d
