Lajmi i vdekjes së një ylli të pornografisë është ndër kryesorët e më të lexuarit në SHBA, jo vetëm në faqet e tabloidëve, por edhe në gazetat serioze.
Fillimisht u raportua se Amber Rayne, 31 vjeç, humbi jetën teksa ishte në gjumë, në banesën e saj në Los Angeles.
Sipas Los Angeles Times, vdekja e saj mund të jetë nga një mbidozë heroine.
Aktorja e filmave porno ishte në qendër të diskutimeve pasi kishte akuzuar një kolegun e saj, James Deen, se e kishte përdhunuar në setin e xhirimeve.
Sipas saj, Deen e quajti ‘k…’ teksa po xhironin një skenë seksi.
Më pas ai e goditi me grusht në fytyrë dhe e përdhunoi derisa e la të gjakosur.
Deen i ka mohuar këto akuza.
Amber ishte jo vetëm një emër i njohur në botën e pornos, por edhe një personazh interesant në rrjetet sociale.
Ajo kishte fituar një ushtri me fansa pasi kishte folur hapur për betejën e saj me kancerin dhe se si arriti ta mposhtë këtë sëmundje.
