Kryeministri Edi Rama ka reaguar për vdekjen e ushtarakes shqiptare në Letoni.
Me anë të një mesazhi në “Twitter” kreu i qeverisë shprehu dhimbje e respekt për efektiven e Forcave të Armatosura e cila ra në krye të detyrës.
“Dhimbje e respekt i thellë për efektivin e Forcave tē Armatosura, Zafire Hasanaj, e cila ra në krye të detyrës gjatë një misioni të NATO-s në Letoni, ku u plagosën dhe dy efektivë të tjerë!Ngushëllime familjes, të afërmve e miqve të Zafires dhe qoftë i përjetshëm kujtimi i saj”, shkruan Rama.
Efektivja shqiptare e Forcave të Armatosura, ishte pjesë e misionit të NATO-s, në grupin xhenierë për demontimin e minave.
Nga shpërthimi janë plagosur edhe dy efektivë të tjerë të FA Major Klodian Tanushi dhe Rreshter Julian KAPAJ të cilët ndodhen nën kujdesin shëndetësorë.
Efektivët jane te gjithe shqiptare, dhe janë pjesë e grupit xhenier për demontimin e minave, te cilet po marrin pjesë në misionin e NATO-s në vendin baltik për demontimin e minave luftarake.
g.kosovari
