Ministria e Shëndetësisë ka dalë në një tjetër prononcim për mediat, pasi Shqipëria shënoi viktimën e parë me koronavirus.
Zv/ministrja Mira Rakacolli, ndërsa shprehu ngushëllimet për familjen e së ndjerës, sqaroi edhe sëmundjet nga të cilat e ndjera vuante.
“Ishte një e sëmurë që vuante nga insuficienca kardiake, kishte sëmundje kronike të mushkrive, kishte tiroide dhe kishte kryer para disa vitesh by-pass kardiak. Ishte në grup të atyre personave që kur preken nga koronavirusi kanë rrisk”, deklaroi Rakacolli.
Ajo tha se e moshuara ka qenë vetëm në dhomën e spitalit dhe si rrjedhojë nuk dyshohet të ketë infektuar pacientë të tjerë.
Rakacolli shtoi se mjekët që i shërbyen gjithashtu kanë qenë të pajisur me masat e nevojshme të sigurisë.
g.kosovari
