Vdekja tronditëse e kapitenit të skuadrës së Fiorentinës, Davide Astori, ka bërë që të gjithë ndeshjet e kampionatit italian që ishin planifikuar për tu zhvilluar ditën e sotme të shtyhen.
Lajmi është konfirmuar nga ana e Federatës italiane të Futbollit e cila ka marrë këtë vendim pas ndarjes nga jeta të mbrojtësit 31-vjecar.
Në këtë mënyrë derbi i mbrëmjes së sotme mes Milanit dhe Interit nuk do të zhvillohet ditën e sotme, i cili do të luhet në një ditë tjetër.
Davide Astori është gjendur i vdekur në hotelin ‘La’ di Moret në Udine, ku ai ishte i grumbulluar me skuadrën e tij për të zhvilluar ndeshjen e kësaj jave në orën 15:00 kundër Udinezes.
Dyshimet e para për vdekjen e mbrojtësit 31 vjecar i cili ka qenë dhe pjesë e kombëtares italiane është atak kardiak, por nga ana e klubit të Fiorentinës ende nuk ka asnjë konfirmin zyrtar rreth shkaqeve të kësaj vdekje që ka shokuar botën e futbollit.
