Vdekja e George Michael, burimi anonim: Shkaku, mbidozë heroine

George Michael ka vdekur nga një mbidozë heroine. Edhe pse raporti zyrtar për vdekjen e këngëtarit të famshëm nuk ka dalë ende, kështu shkruan Daily Telegraph. Ai bënte prej kohësh një jetë të trazuar dhe për gazeta citon parukierin Fadi Fawaz, i cili prej pak kohësh ishte partneri i George. Fawaz, parukier njerëzish të famshëm, është personi i përfolur dje në media si “miku” që gjeti trupin e pajetë të George Michael dhe që thirri menjëherë ambulancën dhe policinë, pak para drekës së Krishtlindjeve.
“Do të drekonim bashkë për Krishtlindje”, rrëfen parukieri për Telegraph. “I shkova në shtëpi për ta zgjuar, por ndërkohë kishte dhënë shpirt, e gjeta të shtrirë paqësisht në shtrat. Nuk e dimë ende me saktësi se çfarë ka ndodhur. Kohët e fundit gjithçka ishte shumë e ndërlikuar, por George priste me vendosmëri Krishtlindjet, edhe unë. Tani gjithçka u shkatërrua. Do të doja që njerëzit ta kujtonin për atë çka ishte, një njeri i shkëlqyer”.
“Ndërlikimi” për të cilin flet partneri i fundit i George Michael sqarohet nga një burim anonim, i cili shpjegon për
Telegraph: “Vitin e fundit, Michael ka luftuar kundër një varësie në rritje nga heroina. Është shtruar disa herë në urgjencë për mbidozë. Mirë që rezistoi edhe kaq”.
Arresti kardiak (dhe jo infarkti siç u raportua fillimisht në media), i përshkruar si shkaku i vdekjes nga manaxheri i tij, Michael Lipmann, është një pasojë e zakonshme për të varurit nga heroina. Vitet e shkuara, Michael ishte arrestuar disa herë për përdorim dhe zotërim droge, nga marijuana te kraku, një formë e fuqishme e kokainës.
Repubblica/d.i.