Deputeti Edmond Spaho i është përgjigjur kritikave të kryeministrit Edi Rama i cili i cilësonte si skenarë makabër dhe fantazi akuzat e opozitës lidhur me vdekjen e shoferit të ministrit të Brendshëm Fatmir Xhafaj.
Spaho thotë se shefi i qeverisë ka marrë rolin e kryeprokurorit dhe se ngjarja është zbardhur nga opozita.
Pas publikimit të hetimeve personale të ish-kryeministrit Berisha, Partia Demokratike ka vijuar të hedhë akuza ndaj qeverisë “Rama”.
Edhe pse ende nuk janë përmbyllur hetimet, “selia blu” e ka konsideruar këtë si një ekzekutim mafioz të lidhur me pushtetin.
“Ngjarja tragjike me shoferin e Ministrit të Brendshëm është vrasje mafioze, nuk është skenar fantazie, siç do ta shesë kryeprokurori Edi Rama.
Këto 5 vjet në pushtet Edi Rama ka mohuar çdo skandal që implikon atë dhe qeverinë e tij në krim!, tha Spaho.
a.ç
