Ndërsa situata është ende në zhvillim, të paktën 78 persona mësohet se janë mbytur në Mesdhe pasi një anije peshkimi e mbipopulluar u përmbys në brigjet e Greqisë. Rreth 750 emigrantë mendohet të kenë qenë në bordin e anijes së goditur, me qindra ende të zhdukur dhe 104 të raportuar nga autoritetet si të shpëtuar.
Incidenti thekson se sa i rrezikshëm është kalimi i Detit Mesdhe për emigrantët, të cilët shpesh duhet të udhëtojnë me varka të mbingarkuara pa pajisje dhe furnizime, ndërkohë që janë të prekshëm nga çdo mot i keq ose incidente të tjera gjatë rrugës. Përpara ngjarjes së fundit, faqja e internetit e Organizatës Ndërkombëtare për Migracionin për Migrantët e Humbur numëronte 1,166 migrantë që kishin vdekur ose ishin zhdukur në Mesdhe në vitin 2023 (deri më 9 qershor). Shifrat vjetore janë rritur që nga viti 2020, raportojnë mediat ndërkombëtare.
Më shumë se 2,400 emigrantë vdiqën në Mesdhe në vitin 2022, teksa kjo krizë po intensifikohet edhe një herë. Në vitin 2020, vdekjet (dhe lëvizjet në rrugë) kishin arritur një pikë të ulët prej 1,449 vdekjesh dhe personash të zhdukur. Në vitin 2016, 5136 persona humbën jetën në këtë mënyrë. Në atë kohë, si kalimi i Mesdheut Qendror për në Itali ashtu dhe ai Lindor për në Greqi përdoreshin nga një numër i madh migrantësh pasi lufta civile siriane bëri që njerëzit të iknin dhe afrikanët, për shembull nga Nigeria dhe Eritrea, ndërmorën udhëtimin e mundimshëm në veri për të kaluar drejt mesdheut qendror.
/a.r
