Në një apartament në katin e dytë të një pallati në lagjen “Skelë” ka patur rrjedhje gazi dhe për pasojë kanë humbur jetën nga asfiksimi çifti bashëkshortëve, Rrok Tata, 60 vjeç dhe Prenda Tata, 56 vjeçe.
Sipas informacioneve paraprake, çifti i bashkëshortëve kanë humbur jetën gjatë kohës që kanë qenë në gjumë, që para dy ditësh dhe vetëm sot janë gjetur nga komshinjtë që më pas kanë njoftuar policinë e Vlorës. Por megjithatë, policia bën të ditur se po hetohet edhe pista e vetëvrasjes pasi çifti bashkëshortor kishte probleme. Dyshohet të ketë qenë gruaja ajo e cila ka lënë hapur gazin, për t’i dhënë fund jetës, pas problemeve që kanë pasur, pasi thuhet se bashkëshorti ishte përdorues alkooli dhe familja jetonte në skamje. Mësohet gjithashtu se çifti kishte dhe një mbesë që jetonte me ta. Ka qenë gruaja e cila ka nxjerrë mbesën jashtë dhe ka hapur gazin teksa ndodhej në banesë vetëm me bashkëshortin.
Trupat e pajetë janë zbuluar pas 15 orësh. Kanë qenë fqinjët të cilët kanë konstatuar se burrë e grua nuk dilnin nga banesa prej dy ditësh radhazi çka ka bërë që ata të telefonojnë policinë. Pas njoftimit nga banorët, zjarrëfikësit dhe policia kanë prerë hekurat e ballkonit dhe kanë hyrë në banesë ku kanë gjetur edhe çiftin e të moshuarve pa jetë. Çifti i bashkëshortëve janë transportuar në morgun e Spitalit Rajonal të Vlorës për tu kryer ekspertiza mjeko-ligjore dhe për të hedhur dritë mbi vdekjen e tyre. /b.d
