Kanë nisur hetimet lidhur me vdekjen e 7 vjeçares një ditë më parë në Pediatrinë e Durrësit.
Mësohet se ekspertë të policisë gjyqësore kanë mbërritur në spital dhe kanë nisur hetimet, duke sekuestruar kartelën e 7-vjeçares.
Po ashtu, mësohet se edhe specialistë nga Ministria e Shëndetësisë do të mbërrijnë në spital ku do të hetojnë procedurën mjekësore që kanë ndjekur mjekët, për të parë nëse ka pasur neglizhencë në trajtimin në fjalë.
Prindërit kanë deklaruar se vajza prej dy ditësh ishte me grip dhe refuzonte të ushqehej. Ata e dërguan në spital por ajo kaloi në gjendje të pavetëdijshme duke u futur në koma. Gjyshja e vajzës ka thënë se kur e kanë dërguar në spital ka qenë me temperaturë 35.5.
Mjekët dyshojnë se vdekja e 7-vjeçares në Durrës është shkaktuar nga gripi toksik.
