Arrest shtëpie përgjegjësit të kompanisë në landfillin e Sharrës, Besnik Brahajn. Kjo është masa e sigurisë që ka dhënë sot Gjykata e Apelit në Tiranë, në gjyqin për vrasjen e 17 vjeçarit Ardit Gjoklaj.
Gjykata e Tiranës kishte caktuar disa ditë më parë masat e sigurisë për 4 të arrestuarit, të cilët akuzohen për vrasjen aksidentale të 17-vjeçarit.
Shkalla e parë e kishte lënë në burg Besnik Brahajn, përgjegjësin e firmës së riciklimit të mbetjeve në Sharrë. Por sot Apeli e ka liruar nga burgu duke e cuar në shtëpi.
Në burg ishte lënë edhe Edmond Kollari, drejtues ekskavatori dhe Dëfrim Hakrama, përgjegjës turni, shkruan panorama. Ndërsa është caktuar masa detyrim paraqitjeje për Bujar Dajën, përgjegjës i punonjësve.
Gjithashtu, gjykata ka caktuar arrest me burg në mungesë për Edurim Teqjen, administratori i firmës.
