Propozimi i një deputeti të Kuvendit të Shqipërisë, duke i ofruar shuma marramendëse këngëtares Xhesika Ndoj për të qenë në krahët e tij, ishte fillimi i telenovelës mediatike të muajit shkurt. Pasi këngëtarja e deklaroi vetë propozimin e deputetit, të tjera ndodhi në jetën e saj bënë që të lakohej për ditë të tëra në faqet e medias, duke u pasuar në mënyrë të rrufeshme me të tjera lajme. Konflikti me këngëtaren tjetër Gugu, për një biznesmen nga Maqedonia, kurthi i kunatit duke krijuar historinë e një biznesmeni me të brendshme në shtëpinë e saj, e më pas publikimi i disa fotove nudo ku Xhesika ndodhej në intimitet me një djalë, e shndërruan në një telenovelë historinë e jetës së saj në vetëm pak ditë. Nëse famën që ka marrë e konsideron të mirë apo të keqe zbulojeni në përgjigjet e saj. Nënë e re e një vajze 4 vjeçare, Xhesika me anë të kësaj interviste na tregon më shumë rreth intimitetit dhe personalitetit, si këngëtare që ka bërë bujë me ekspozimin e ndodhive nga jeta personale.
Pjesa më e bukur e trupit tënd?
Pjesa më e bukur e trupit tim janë vithet dhe beli.
Gjoksi yt është i bërë?
Po.
Cila është masa aktuale?
Nuk dua të zbuloj kaq shumë…
Në ç’moment të ditës ndihesh më seksi?
Pamja ime më seksi është në mëngjes kur zgjohem, sepse jam e freskët.
Puthjen më të veçantë kur e shijove?
Puthja më e veçantë? S’e di, pasi puthjet ia jap dikujt që vërtet e ndiej.
Kur dashurohesh si sillesh?
Sillem shumë korrekte dhe jam e vendosur.
Ndodh shpesh të dashurohesh?
Nuk ndodh shpesh, një herë ka ndodhur.
Propozimin për martesë në ç’rast do e pranoje?
Kam propozime për martesë, por nuk dua, sepse martesa është e fundit gjë që mendoj. Aktualisht kam punë më të rëndësishme për t’u marrë. Sa për martesën e kam atë kur dua unë.
Në shtrat të pëlqen të bësh dashuri në mënyrë romantike?
Përsa i përket dashurisë varet, ka momente që duhet të jem sensuale dhe romantike.
Kur bëhesh e egër në krevat?
Ka momente që agresiviteti të forcon ndjenjat, kështu jam në përgjithësi. (qesh)
Bosi më i madh kush është për ty?
Bosi më i madh për mua është deputeti. (qesh)
Dhurata më e shtrenjtë që ke marrë?
Nuk mund të them se është dhurata më e shtrenjtë, por që e vlerësoj dhe e mbaj në dorë. Dhe është pikërisht një byzylyk diamanti.
Udhëtimi më romantik që mban mend?
Udhëtimi më romantik do të jetë shumë shpejt.
Paraja çfarë vlere ka për ty?
Paraja është gjithçka për mua, po të dish ta menaxhosh.
Kur e humb vlerën ajo?
Paraja s’mund të jetë asgjë nëse nuk di ta menaxhosh. Me pak fjalë është pjesë e jetës për secilin nga ne.
Fama që ke fituar ti është diçka e bukur apo e keqe?
Fama është diçka shumë e mirë, por shumë e keqe sepse je e ndjekur nga paparacët. (qesh)
