Edhe këtë të premte studentët do të vijojnë protestën para Kryeministrisë.
Në ditën e 11 të protestës, Bashkimi Kombëtar i Studentëve ka bërë thirrje se nuk do të ketë asnjë negociatë me kryeministrin.
Studentët do të mblidhen fillimisht pranë fakulteteve respektive dhe në orën 10:00 do të marshojnë drejt Kryeministrisë.
Në faqen zyrtare në “Facebook”, Bashkimi Kombëtar i Studentëve ka bërë thirrje se protesta duhet të vazhdojë paqësisht dhe nuk duhet të përshkallëzohet.
Kryeministri Rama ka bërë disa herë thirrje për dialog. Ai ka theksuar se të gjitha kërkesat janë të realizueshme në parim, por duhet dialog për t’i finalizuar.
Kreu i qeverisë ka ngritur një grup pune për realizimin e kërkesave të studentëve, por insiston tek dialogu me ta.
Kërkesat e studentëve:
1. Rritja e buxhetit në 5% e GDB me qëllim mundësimin e përgjysmimit të tarifës së studimit për cdo nivel studimi, përmirësim e mësimdhënies dhe infrastrukturës (universitete dhe konvikte).
2.Transparence me buxhetin nga ministria e Arsimit dhe IAL-ve, publikimi të gjitha shpenzimeve online
3.Rritja nga 10% në 50% e peshës totale të votës së studentëve për të zgjedhur kandidatët për dekanë, rektorë dhe cdo fakultet të ketë një përfaqësues të studentëve në senatin akademik.
4. Rishikimi i titujve akademikë dhe verifikimi i plagjiaturave të doktoraturave dhe teksteve mësimore.
5.Mbështetur në nenin 99 mbi Këshillat Studentore, ligji i arsimit të lartë, pika 2 kërkojmë që bordi i administrimit të IAL-eve të ketë numër të barabartë votash si nga MAS dhe IAL-t si edhe të shtohet një përfaqësues në këtë bord nga studentët.
6.Pajisja e të gjithë studentëve me kartën e studentit brenda vitit akademik 2018-19
7.Ndërtimi i bibliotekave me starndarde europiane dhe me libër universitar online, falas për studentët në gjuhën shqipe.
8.Vlerësimi i performancës në mësimdhënie dhe kërkim shkencor i pedagogut, publikimi i tij online dhe regjistrimi i leksioneve.
a.çupaj
