LSI ka kërkuar shpalljen “Non grata” të ambasadorit të OSBE në Tiranë, Borchardt, pasi ky i fundit me sa duket iu ka nxjerrë gishtin e mesit disa protestuesve që i thërrisnin në rruge “Të të vijë turp”.
“Kush eshte ky i paturp qe ju tregon gishtin e mesit shqiptareve ne token e tyre?
Cfare ben akoma ky ne Tirane?
Si mund te rrije ky edhe nje ore te vetme?
Jashte, jashte, jashte njerez te tille te paturp.
Shame on you”, thotë numri dy i LSI, Petrit Vasili.
“Jashtë nga Shqipëria, Borchardt!
Ky alabak, që guxon dhe u tregon gishtin e mesit shqiptarëve.
Ky që qepi gojën për votimet puniste të 30 qershorit.
Ky që mbylli gojën për raportin e OSBE-ODIHR për 30 qershorin.
Ky që paturpësisht ndryshoi fjalën brenda natës për drogën që mbuloi Shqipërinë.
Ky që në 2008 i bëri duart flakë kur duatrokiste shkatërrimin e kushtetutës dhe zgjedhjeve.
Ky nuk është OSBE, ky nuk Europa ky është thjesht një individ i akaparuar.
Presim tani që Edi Rama t’ia marrë përqafe gishtin që ngriti Borchard dhe t’i kërkojë atij ndjesë, hë jepi Edi ç’pret”, vijon më tej Vasili.
Ndërsa Ylli Manjani shkruan:
“Gjeji vend atij gishti zoti Ambasador!
Këtë fyerje nuk ta kishim borxh. As ndonjë kusur nuk të kërkoi njeri!
Të qenit diplomat nuk të jep të drejtë të fyesh askënd në shtetin ku shërben!
Ai gisht i ngritur, në fakt shpreh nivelin ordiner të një njeriu me nerva të lodhura, që nuk mund ta mbrojë por duhet ta ndëshkojë Konventa e Vienës.
Ai gisht në fakt shpreh krizën spektakolare që ka drejtimi i OSBE, drejtim i cili do ti besohet qeverisë më antidemokratike të vendeve anëtare të OSBE. Qeverisë që dhunon egërsisht qytetarët e saj dhe liritë Kushtetuese.
Ai gisht në fakt është një akt i pastër sinqeriteti, sepse tregon se sa i paanshëm është diplomati që medemek kujdeset për demokracinë, zgjedhjet, sigurinë e bashkëpunimin!
Pika i rëntë atyre që besojnë se ky gisht përpjetë do ndihmojë reformën zgjedhore!
Çfarë arroganti!
Kjo është e turpshme! Një akt i pastër rrugaçërie nga një përfaqësues me imunitet diplomatik!
Zhgënjim i madh që diplomacia Gjermane të përfaqësohet me një person të tillë!
Turp! Turp!Turp!
Shame on you!”
