reu i grupit parlamentar të Lëvizjes Socialiste për Integrim Petrit Vasili tha se tre raste janë më të rënda si pasojë e djegieve nga shpërthimi i flakëve në autobusin me të cilin ata udhëtonin. Vasali tha se duhet durim, por siguroi se janë marrë të gjitha masat për t’ju ardhur në ndihmë të plagosurve.
Vasili: Besoj që nuk ka asgjë që mungon qoftë në pikëpamjen e kontrollit mjekësor, qoftë në pikëpamjen e medikamenteve. Sigurisht, dy raste apo tre kanë problematika me vështirësi të madhe. Sigurisht, në mënyrë logjike edhe prognoza e tyre është e rezervuar.
Ndërsa pjesa tjetër është në kontroll të mirë mjekësor dhe besoj kalojnë pa probleme. Keqardhja më e madhe është për atë që ka humbur jetën. Ngushëllojmë familjen për këtë. Për disa nga rastet duhet durim për qartësi më të madhe. Ndjekja mjekësore është në kushtet më të mira qoftë në pikëpamjen teknike qoftë në pikëpamjen e kushteve.
Ai deklaroi se duhen kontrolle të rrepta të automjeteve për kushtet teknike, duke kujtuar se fenomene të tilla po përsëriten shpesh. Vasili kujtoi edhe tri raste të tjera të tragjike me autobusë.
Vasili: Besoj se do të ketë një përkujdesje më të madhe për këtë që po ndodh. Janë aksidente të përsëritura nga mjete të tilla publike. Duhet që kontrollet teknike dhe shumë çështje të kësaj natyre duhet të kontrollohen me rigorozitet më të fortë.
Sot është një rast. Nga eksperienca ime e mëparshme kam pasur tre raste të tilla tragjike. Gjegjanin, rastin e Cakranit, Himarës, etj. Të mos hezitojmë që automjetet që janë jashtë kushteve teknike të dalin menjëherë nga qarkullimi. Duhet të jemi të rreptë dhe çdo tolerancë do të thotë jetë njerëzish.
(oranews / r.a)
