Vasil Llajo, kryetari i seancës së parë të kuvendit, mbajti një fjalim para deputetëve. Ai u shpreh se duhet të ndërtohet një kulturë bashkëpunimi më çështje të mëdha kombëtare.
“Duhet të ndërtohet kultura e bashkëpunimit për çështje të mëdha kombëtare. Nuk duhet të kemi merak të bashkëpunojmë për çështje të mëdha të vendit, por turp nëse nuk e bëjmë. Shqipëria sot është më pranë se kurrë anëtarësimit në BE. Ky është një mision historik, të tregojmë me vepra që Shqipëria është gati të ulet në tryezën europiane si e barabartë mes të barabartëve. Ky është mision kombëtar për të cilën do të na gjykojnë brezat që vijnë. Të dëshmojmë që dimë të bëjmë politikë të pjekur”, tha Llajo.
