Luftëtarët e rënë në Kumanovë, Xhafer Zymberi, Mirsad Ndrecaj, Valon Kabashi, Turgaj Gashi, Samid Kastrioti, Hysen Rushiti, Fatlum Vishesella, Arben Rexhaj, siç njofton KosovaPress do të prehen në varrezat e Dëshmorëve të Kombit në Prishtinë, ku do të varrosen nesër në ora 17:00.
Lajmi është konfirmuar edhe nga Kryetari i Shoqatës së Familjeve të Dëshmorëve, Xhavit Jashari. Homazhet do të mbahen në ndërtesën e Pallatit të Rinisë. Kurse Beg Rizaj, i cili u vra në konfliktin e fundit u varros dje në varrezat e dëshmorëve në Gllogjan të Deçanit.
