Ministria e Jashtme e Greqisë ka reaguar nëpërmjet një deklarate për sa i përket varrezave të ushtarëve grek në Shqipëri.
“Një hap i rëndësishëm është marrë sot për sa i përket ushtarëve grek të vrarë gjatë luftës Greko- italiane gjatë vitit 1940 deri në vitin 1941. Në negociatat e Kretës gjatë nëntorit të kaluar u diskutua çështja e varrezave të viktimave greke. Tashmë marrëveshja është duke u implementuar hap pas hapi, duke çuar në zgjidhjen e kësaj çështjeje humane”, shkruhet në deklaratën e Ministrisë së Jashtme greke.
“Ne mirëpresim përgjigjen e qeverisë shqiptare për këtë kërkesë historike, gjë e cila demonstron se dialogu dhe bashkëpunimi mund të na çojë në drejt marrëdhënieve të mira dhe të krijojë një perspektivë pozitive në marrëdhënien mes vendeve të rajonit tonë dhe njerëzve”, shkruhet në deklaratë.
Gjithashtu ministira greke e Punëve të Jashtme bën të ditur se do të vazhdojë të punojë me përgjegjshmëri dhe seriozitet për të garantuar interesat kombëtare të shtetit Grek si dhe për të kultivuar marrëdhënie të mira me fqinjët, duke krijuar të ardhmen europiane të cilën e meriton i gjithë rajoni.
