Ish ministri grek i financave të Greqisë, Yannis Varoufakis, thotë se nuk ka asnjë dyshim se masat shtrënguese në Europë kanë dështuar, dhe se “kurrë nuk kanë funksionuar, e as nuk do të funksionojnë”.
“Është vlerësimi im se eurozona ka nevojë për një arkitekturë dhe infrastrukturë të re. Pengesa më e madhe për këtë është ministri gjerman i financave. Është e pamundur që të ndryshohet ndonjë gjë me arkitekturën e sotme”, tha Varoufakis i cili është mysafir në Zagreb, raporton Danas.Ish-ministri i Greqisë ka thënë se nuk ka qeverisje globale.
“Patëm një globalizim pa qeveri globale. Globalizimi është në të vërtetë e drejta e parasë për të lëvizur lirshëm dhe që korporatat e mëdha të shesin në vendet e tjera, pa kufizime dhe të përhapen në ekonomitë e tjera.
Nuk ka qeverisje globale. Kroatëve dhe grekëve që jetojnë në Britani të Madhe sot u thuhet se nuk janë të mirëpritur. Meksikanët prodhojnë dhe të mira për SHBA-të, por ata nuk janë të mirëseardhur”, tha Varoufakis.
Kur u pyet se si Kryeministri grek, Alexis Tsipras, po përballet me krizën, Varoufakis u përgjigj: “Ai ka pushuar së ekzistuari. Tani ne shohim vetëm hijen e shokut tim të dashur”.
Duke folur për “pajtimet” në Evropë, Varoufakis tha se të gjitha ndryshimet që po ndodhin në Gjermani janë duke shkuar keq.
“Angela Merkel është e vetmja politikane që ende në këmbë, që është në anën e qytetërimit, edhe pse në masë të madhe nuk janë dakord me të, veçanërisht në politikën ekonomike. Ajo humbi mundësinë për të bashkuar Evropën dhe do t’a ketë të vështirë”, konstatoi Varoufakis, përgatiti ”Express”. (b.an)
