Ish-zyrtari i Transporteve në Sarandë, Kelmend Balili rezulton i varfër.
Burime nga krimi ekonomik dhe Krimet e Rënda thanë për Report Tv se, nga verifikimet e deritanishme rezulton zyrtarisht se Balili është person pa prona në emrin e tij dhe po ashtu ai nuk ka llogari bankare të cilat kanë gjendje parash ne vlera të larta.
Prej më shumë se 2 javësh ndaj Balilit po kryhet një hetim pasuror paralelisht me operacionin për gjurmimin dhe kapjen e tij, arrestim i cili kërkohet si nga autoritetet e drejtësisë greke dhe ato shqiptare.
Sipas autoriteteve greke Balili është konsideruar “Escobari Ballkanit” dhe dyshohet se qëndron pas një grupi kriminal të trafikut të drogës, por këtë akuzë ai e ka mohuar publikisht duke e cilësuar se gjithçka është sajuar me prapavijë politike.
Pavarësisht se policia shqiptare po vijon kërkimet për kapjen e tij, ende asnjë gjurmë nuk është pikasur ndaj ‘Escobarit të Ballkanit”.
shqiptarja.com/d.i.
