I ftuar në studion e emisionit “Java në RTSH”, Vangjel Dule komentoi marrëdhëniet mes Greqisë dhe Shqipërisë, si dhe rolin e tij në politikë.
Pyetjes së analistit Lorenc Vangjeli, se a mund të ishte zoti Dule një grek i mirë në Tiranë dhe një shqiptar i mirë në Athinë, ai e konsideroi si një “kurth”.
“Në Greqi ju shpesh ju trajtonë si hero që po luftoni fort për politikën greke në Shqipëri. NDërkohë që në vendin tonë, shpesh ju cilësojnë si me pa të drejtë si tradhtar. Këto janë terma të zakonshme që përdoren në Ballkan. Por a do të ishte e mundur që ju të ishit një shqiptar i mirë në Athinë dhe një grek i mirë në Tiranë?” – shpreh Lorenc Vangjeli.
Por kryetari i PBDNJ u përgjigj: “Ky është një kurth. Unë jam dhe mendoj se duhet të jem i njëjti edhe në Tiranë, edhe në Athinë. Sepse vetëm duke qenë i drejtë mund të jem i vlefshëm”.
