Kreu i PBDNJ, Vangjel Dule, ishte i ftuari i radhës në emisionin “Java në RTSH” ku foli për aleancën me Lulzim Bashën dhe qëndrimet e tij ndaj Ramës.
Ai u shpreh se politika në radhë të parë është përfaqësim interesash dhe idesh, duke nënvizuar se në politike nuk ka ‘dashuri’ të përhershme.
Megjithatë, Dule tha se është fatkeqësi që klasa e sotme politike nuk ka dalë dot mbi interesin partiak.
Ai shtoi se aleanca e sotme me Partinë Demokratikes synon vetëm largimin e qeverisjes së Edi Ramës dhe garantimin e së ardhmes.
“Unë jam një nga firmëtarët tek ish-presidenti Nishani për t’i dhënë Ramës mandatin e kryeministrit. Duke pare ngjarjet sesi ndodhën, jam i detyruar të kërkoj edhe një faljë” – tha ai.
Replikës së analistit Lorenc Vangjeli, se para tij kishin firmosur shqiptarët përmes votës, Dule tha se bëhet fjalë për një përgjegjësi simbolike.
