Holandezi Louis van Gaal është i gatshëm të largohet nga Manchester United, nëse nuk do ta ketë përkrahjen e lojtarëve. Tekniku holandez është kritikuar shumë gjatë muajve të fundit për paraqitjet jo të mira të skuadrës.
“Gjëja më e rëndësishme është pasja e një raporti të mirë me lojtarët dhe stafin. Në këtë gjë koncentrohem shumë. Kur ta kem ndjenjën se gjërat nuk po funksionojnë, atëherë më nuk do të jem trajner i skuadrës”, ka deklaruar ai per mediat.
“Nuk besoj se trajnerët e tjerë e bëjnë këtë gjë, shkaku i parave, por unë jam i tillë. Gjëja më e rëndësishme është të kesh raporte të mira me ata që punon”, ka theksuar ai.
