Valverde frikësohet se lëndimi i Dembeles është më serioz se që duket.Talenti francez, Ousmane Dembele, që u transferua te Barcelona për 145 milionë euro me bonuse, është lënduar në sfidën ndaj Getafes, të cilën katalunasit e fituan 2:1.20 vjeçari lëshoi fushën e lojës në pjesën e parë për shkak të problemeve muskulore.
Trajneri i Barcelonës, Ernesto Valverde, frikësohet se lëndimi është më serioz se që duket në shikim të parë.“Është problem muskulor, mendojmë se bëhet fjalë për shqyerje, por testet e së dielës do të na tregojnë më hollësisht për lëndimin”, tha Valverde.
“Është për të ardhur keq sepse ai sa kishte filluar të adaptohej me dinamikën e lojës. Shpresojmë se nuk do të jetë jashtë për një kohë të gjatë”, shtoi më tej Valverde, përgatiti ”Gazeta Express”. (b.an)
