Deri më sot në vendin tonë janë vaksinuar 6120 mësues me AstraZeneca. Ministrja e Shëndetësisë Ogerta Manastirliu shkruan në një status në rrjetet sociale se mësuesit që kanë marrë dozën e parë janë sot më të mbrojtur nga COVID-19. Ajo shton se së afërmi do të ketë lajme të mira për intensifikimin e procesit të vaksinimit në ditët në vijim
“6120 mësues janë sot më të mbrojtur nga Covid19, pas marrjes së dozës së parë të vaksinës, ndërsa vijon në gjithë Shqipërinë vaksinimi i arsimtarëve, me ritme të mira dhe pa asnjë problem
*Së afërmi, lajme të mira për intensifikimin e procesit të vaksinimit në ditët në vijim”, shkruan ministrja Manastirliu.
Vaksina AstraZeneca mori dje “Ok” nga Agjencia Europiane e Barnave e cila hodhi poshtë spekulimet e disa shteteve europiane që kishin ndaluar hyrjen e saj në vendet e tyre duke ngritur pretendimet që ajo shkakton mpiksje gjaku. Kjo solli pasiguri edhe në radhët e arsimtarëve në vendin tonë, një pjesë e të cilëve refuzuan ta marrin këtë vaksinë.
g.kosovari
