Ka nisur gjatë paradites së sotme procesi i vaksinimit të bluzave të bardha edhe në qytetin e Korçës.
Sipas planit të bërë nga Ministria e Shëndetësisë, fillimisht do të vaksinohen mjekët dhe infemierët e spitaleve publike dhe më pas do të vijohet me pjesën tjetër të shoqërisë.
Pritet që në fazën e parë të të vaksinohen 150 mjekë dhe infermierë të spitalit të Korçës dhe mjekë të qendrave shëndetësore.
Mësohet se gjithsej do të vaksinohen rreth 1000 bluza të bardha në të gjithë qarkun e Korçës.
Procesi i vaksinimit po kryhet në ndërtesën e Ish-Shtëpisë së Oficerëve, pra vetëm një qendër vaksinimi.
E para që ka marrë dozën është infermierja Zyljana Muhaxhiri. “Sapo e bëra e para vaksinën. Me zor po prisja që ta bëja pasi vaksina është zgjidhja sepse nuk po kishte ndryshim me masat e marra”, tha ajo.
Korçë. Ministrja e Shëndetësisë dhe Mbrojtjes Sociale Ogerta Manastirliu, thekson se së shpejti përfundon vaksinimi i të gjithë bluzave të bardha.
“Sot nis vaksinimi edhe në #Korçë dhe së shpejti përfundojmë vaksinimin e të gjithë bluzave të bardha😍 #ShqipëriaBuzëqesh”, shkruan Manastriliu.
Ndërkohë edhe në fundjavë po vijon procesi vaksinimit në Tiranë, Berat, Fier, Vlorë, prej fillimit të vaksinimit janë administruar në total 10132 doza të vaksinës anti-COVID.
Procesi i vaksinimit po kryhet sipas të gjithë parametrave të sigurisë dhe cilësisë nga një ekip i trajnuar.
g.kosovari
