Vaksina e re kundër virusit HIV ka kaluar testet fillestare tek 33 pacientë dhe tani do të testohet në një kampion prej 600 njerëzish, që nuk janë të infektuar me këtë virus. Lajmi është bërë i ditur nga një botim i fundit i Universitetit të Ontarios, në Kanada. Kjo vaksinë përmban gjene të modifikuara të virusit HIV, që nuk e sulmojnë sistemin imunitar të njeriut. Kjo është vaksina e parë e këtij lloji, e cila është lejuar të testohet te njerëzit.
Deri tani ka pasur vetëm vaksina dhe ilaçe, që e ulin nivelin e HIV-it tek të infektuarit në atë masë sa nuk përbën rrezik për shëndetin e të prekurit dhe partnerëve të tij seksualë. Testet e reja, janë planifikuar të kryhen në shtator të vitit të ardhshëm, kur do të bëhet një studim i mbi 600 vullnetarëve nga e gjithë Amerika e Veriut, të cilët nuk janë të infektuar me HIV.
ma.me
