Adoleshentet nga Durrësi që u zhdukën pa gjurmë për 48 orë dhe u gjetën pasditen e së martës në Lushnjë, janë mashtruar nga një djalë që e kanë njohur në Facebook.
Mësohet se dy kushërirat kishin menduar për gjithçka, por pa marr parasysh rrezikun që u kanosej. A.R., 16 vjeçe dhe kushërira e saj, SH.H., 15 vjeçe, të dyja me banim në Durrës, e nisën këtë aventur pa i hyrë shumë thellë, por që mund të përfundonte tragjike për to.
Referuar dëshmisë së dhënë të adoleshenteve, i riu nga Lushnja ishte lidhur përmes Facebook-ut me 16-vjeçaren me inicialet A.R.
Në bisedë, ai i kithe thënë asaj se jetonte i vetëm, si dhe i kishte përmendur se kishte një biznes të vetin në Lushnje, ndërkohë që familja e tij jetonte në Itali.
Po ashtu, në bisedat premtuese, djali i kishte thënë asaj se do të niseshin për në Angli, madje po të donte mund të merrrte me vete edhe kushërirën e saj 15-vjeçare, duke i premtuar se atë do t’ia prezantonte kushëririt të tij.
Në këto kushte, adoleshentet bien dakord me njëra-tjetrën, duke rënë pre e mashtrimit.
Pasi përfunduan në Lushnjë, vajzat kuptuan se ishin mashtruar nga djaloshi, i cili jo vetëm që jetonte me prindërit, por nuk kishte asnjë biznes.
Sipas policisë, nëse këta të fundit nuk do të ndërhynin në kohë vajzat mund të ishin përdhunuar pasi i riu i çoi në hotel.
Panorama
