Ju kujtohet 4 vite më parë ,në 27 gusht 2013 në media bëri bujë lajmi se një vajzë nga Vlora , menaxhere e burimeve njerëzore në një call center u sulmua dhe iu hodh acid në fytyrë. Për vajzën tashmë kanë kaluar 4 vite dhe ajo duket se ka gjetur forcën të tregojë për momentet e vështira, sesi ndryshoi gjithçka dhe sigurisht pamjen që ka sot. Vilma duket se ka gjetur forcën për të ecur përpara duke pranuar para së gjithash veten.
Ky është statusi që Vilma ka publikuar në rrjetin e saj në Facebook në gjuhën italiane pikërisht në datën 27 gusht kur çdo gjë ndryshoi për të.
“ Plot 4 vite më parë në 27 gusht 2013 duke dalë nga shtëpia në punë një djalë më hodhi acid në fytyrë. Nga ai moment jeta ime ndryshoi rrënjësisht. Shumë mendonin se nuk do t’ia dilja mbanë, nuk e mohoj edhe unë e mendoja një gjë të tillë. Por sa herë e rimendoja i kujtoja vetes sesa bukur është të të dhurohet një jetë e dytë dhe se nuk duhet të ankohesha e të mërzitesha për fatin tim.
Përkundrazi duhet të luftoja për të ndryshuar drejtimin e fatit tim. Sot 4 vite më pas jam një grua e ndërgjegjshme për forcën time sepse e di që limitet e vërteta janë ato me të cilat ne kufizojmë veten. Sot jam një Grua e cila nuk do të fshihet sepse nuk kam më frikë. Sot jam një Grua e cila zgjodhi të mos preket nga steriotipe të bukurisë sepse e di që bukuria e vërtetë gjendet tek ai që ka një shpirt të pastër dhe është në paqe me veten
Sot jam një Grua që i do shenjat e saj në fytyrë sikurse të jenë rrënjët e saj. Unë jam Vilma Dule dhe kjo është historia e një Gruaje e cila nuk u dorëzua asnjëherë!” shkruan Vilma. /ma.me
