Në rubrikën “Komenti i Ditës” në “Dritare TV”, gazetari Dritan Hila foli për një nga temat më të komentuara të momentit: përmendjen e Ilir Metës në dosjet e Sigurimit të Shtetit.
Zoti Hila tha se Meta me siguri është përpjekur ta zhdukë dosjen, por ose nuk ka mundur ose diçka i ka shpëtuar. Ai foli edhe për dyshimet e Metës se kush mund ta ketë sjellë gjithë këtë situatë dhe tha se ish-presidenti dyshon tek Berisha, me shumë mundësi.
“Kanë pasur akses në këto dosje figurat e larta të shtetit. Në këtë moment nëse Ilir Meta ka pasur një dosje, ka bërë tentativa për ta zhdukur atë.
A e ka zhdukur të plotë? Mund edhe të mos e ketë zhdukur çdo degëzim apo vend ku ka dalë dëshmitar apo ka paditur të tjerët.
Është e paimagjinueshme që të mos i ketë futur duart për ta zhdukur dosjen e tij, por kanë mbetur këto bishtat anës. Ashtu si e kanë zhdukur edhe të tjerë që ajnë akuzuar si bashkëpunëtorë të Sigurimit të Shtetit. Ndërkohë flitet për një dosje prej 140 faqesh, e cila është e plotë.
Dy janë dyshimet kryesore si ka ndodhur kjo dhe njëri është ai që e bren Ilir Metën: se mos e ka dorëzuar Sali Berisha. Në fakt Berisha mund ta ketë dosje, por problemi është që Sali Berishës nuk i intereson djegia e Ilir Metës në këto momente.”, tha Hila.
