Ukraina ka marrë përgjegjësi për sulmin ndaj flotës ruse në Detin e Zi.
Departamenti i Komunikimeve Strategjike të Forcave të Armatosura të Ukrainës përmes një reagimi zyrtar ka konfirmuar se ishin sulmet ukrainase ato që shënjestruan selinë flotës ruse të Detit të Zi në Sevastopol të premten.
Në reagim, sulmi konsiderohet si i suksesshëm.
“Më 22 shtator rreth orës 12 të mesditës, Forcat e Mbrojtjes së Ukrainës kanë goditur me sukses shtabin e Komandës së Flotës Ruse të Detit të Zi në Sevastopolin e pushtuar përkohësisht”, postoi Stratcom në Telegram të premten.
Sevastopol është një nga qytetet më të mëdha në gadishullin ukrainas të Krimesë dhe u aneksua ilegalisht nga forcat e Moskës në 2014, shkruan CNN.
Gjatë muajit të kaluar, Ukraina ka shtuar sulmet ndaj bazave ushtarake ruse dhe instalimeve të tjera, duke përfshirë mbrojtjen ajrore, në Krime./m.j
